مفردة (أقليات) المنتشرة كتير حاليا الحقيقة المقصود فيها (العلويين) بس ،، وللأسف كتار عم يستخدموها حذلقة مشان ما يبينوا انهن طائفيين ،، طيب أنا رشا عمران ذات الاصول العلوية ويلي ماخصني بأي طائفة ولا بأي دين، وماني مؤمنة بشي إلا بإنسانيتي أولا وبسوريتي ثانيا وبس،، أنا يلي هيك بحب قلكن شغلة ،، العلويين متلهن متل غيرهن من الطوائف حاليا ، فيهن يلي كراهينين رب النظام وبشار الأسد وفيهن يلي عم يتظاهروا… وعم يشاركوا باعتصامات وبتوزيع المناشير والسبيكارات وبالبخ على الحيطان ، وفيهن يلي اعتقلوا ويلي اتنكل فيهن بالمعتقلات ، وفيهن يلي انشقوا عن الجيش لانهن ما بيقبلوا يقتلوا اخوتهن بالوطن وهربوا او انقتلوا وفيهن يلي عم يكتبوا ضد النظام ودعم للثورة وفيهن المختفيين والملاحقين وفيهن المنحبكجية والجيش الالكتروني و الشبيحة والأمن والضابط والعسكري والطائفي والخايف والساكت والعوايني !! ممكن حدا يسميلي طائفة من كل طوائف سوريا مافيها كل هدول ؟؟